Lo libe de naishença deus pairs empresonats

Desirós de lançar ua accion tàus « los navèths abitants », los ninòts nascuts dens lo departament en 2014 e 2015, lo president deu Conselh generau que volèva quauquarren d'originau qui podèva estar auherit au nin e aus sons pairs. Arron un tribalh de recèrca dens d’autes regions de França, lo Conselh generau que descobrí que lo Val-de-Marne (94) que distribuiva a cada naishença despuish vint ans, un libe aus pairs. En parallèle, la companhia professionau de teatre La Smala Bleu que joguè la soa pèça « La mecanica deus pairs » a la maison d'arrèst de Pau en noveme de 2011. En véder lo vertadèr ahuegament que provoquè, que decidí d'i lançar talhèrs de creacion tà que los pairs detienuts, volontaris, que podossen crear un imatgèr. La tropa paulina qu'ei vienuda presentar lo son projècte au Conselh generau tà que participe a l'aventura. Encantat, lo CG 64 qu'acompanhè duas tiengudas de talhèrs. Com la tropa de teatre n'avè pas lo dret de har utilizar materiau com cisèus, tot qu'estó hèit dab las mans. Las creacions qu'estón hicadas jos fòrma d'album de naishença, dab l'ajuda de l'autor Rascal qui escrivó tèxtes au ras de las 13 creacions de papièr e la d’un fotografe tà hicar en davant las creacions deus papàs. Los 7000 libes de naishença que son auherits despuish la fin de l’annada.

Bouton Haut de page